Besart Berisha mund të ketë luajtur ndeshjen e fundit në A-League në Australi, pas ndarjes me Western United.
Sulmuesi shqiptar është në kërki të një klubi të ri dhe nuk ka përjashtuar largimin nga kontinenti.
Në 236 paraqitje të tij në A-League për Brisbane Roar, Melbourne Victory dhe United, Berisha ka shënuar 142 gola.
Mediat australiane shkruajnë se sezoni i shkuar ka qenë më i dobëti në karrierën e tij 9-vjeçare në A- League.
Me përfundimin e kontratës së Berishës me United, trajneri i ri i klubit John Aloisi ka marrë vendimin të mos e rinovojë atë.
“Faleminderit klubit të futbollit Western United për dy sezone të mahnitshme” ka shkruar vetë Berisha në rrjetet sociale
Mësohet se skuadra të tjera në Australi janë interesuar për të, por jo ish skuadra e tij Roar. Berisha ka përfunduar pushimet me familjen dhe është rikthyer në Melburn ku po stërvitet vetë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
