Sopranoja shqiptare me famë botërore Ermonela Jaho është takuar me mbasadoren amerikane në Shqipëri Yuri Kim duke bërë të ditur dhe miqësinë e tyre.
Në një postim në rrjetet sociale vetë sopranojë krah fotos shkruan: “Faleminderit e dashur ambasadore Yuri Kim për energjinë tuaj pozitive, pasionin e sinqertë dhe besimin e palëkundur në të ardhmen e Shqipërisë…Disa shpirtra e kuptojnë njëri-tjetrin pas takimit”.
Por mes komenteve nuk ka munguar as ajo e vetë ambasadores Kim e cila në foto shfaqet me dorën në zemër. “Ermonela, kjo fotografi më tregon duke mbajtur shoqërinë tonë në zemër”, shkruan ajo.
Sakaq takimi mes tyre përkon pikërisht dhe me ditëlindjen e sopranos shqiptare.
Sakaq, edhe vetë ambasadorja amerikane Yuri Kim ka postuar foto me Ermonelën ku shkruan:
Takova një nga idhujt e mi; yllin e mirënjohur të operës, Ermonela Jahon. Kemi punuar më herët bashkë në fushatën e ndërgjegjësimit për kancerin e gjirit, por kjo ishte hera e parë që takoheshim personalisht.
Ne folëm për aftësinë unike të muzikës për të lidhur njerëzit me njeri-tjetrin, për këmbënguljen dhe mbi të gjitha për fuqinë e shpresës dhe dashurisë. Faleminderit, Ermonela dhe mezi pres të të shoh në skenë”, shkruan Kim në postimin e saj.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.