Kuvendi i Maqedonisë së Veriut ka miratuar dje Ligjin për ndërtimin e Korridorit 8. Tenderin për projektimin dhe ndërtimin e Koridorit 8 e ka fituar kompania amerikane Bechtel & Enka, e njëjta që ndërtoi Rrugën e Kombit në Shqipëri.

Korridori 8 do të lidhet në Tetovë – Gostivar – Kërçovë – Trebeshinë – Strugë – Qafë Thanë.

Qeveria maqedonse ka premtuar disa herë që Koridori 8 do të përfundojë brenda këtij mandati, deri në vitin 2025.

Deputeti Vlado Misajlovski nga radhët e OBRM-PDUKM-së kërkoi tërheqjen e këtij ligji. Ai tha se duhet të përmirësohen shumë gjëra në ligj pasi me këtë përmbajtje do të ketë probleme gjatë realizimit të projektit.

“Ky ligj kushton me qindra miliona euro. Me këtë ligj do të ketë shumë probleme, ndërsa nëse është marrëveshje strategjike, pse nuk ka marrëveshje ndërkombëtare mes dy vendeve, edhe pse ka memorandum për bashkëpunim”, ka thënë Misajllovski.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.