Xhakomo Vrionit i mjafton vetëm një ditë stërvitje për të lënë gjurmë në skuadrën e tij të re. Në barazimin 3-3 ndaj polakëve të Rakou, Vrioni ka shënuar dy herë në 45 minutat e para për ekipin e Tirolit. Në minutën e 20-të, Vrioni pengohet brenda zonës dhe fiton penallti.

Gjuan me të majtën, por pret portieri duke i dhënë mundësinë sulmuesit të shënojë në tentativën e dytë pasi ndjek aksionin. Gjashtë minuta më vonë, është sërish Vrioni që gjen rrugën e rrjetës, për ta çuar ndeshjen në 2-0 dhe skuadrat në dhomat e zhveshjes.

Stërvitja e vetme që ka bërë me skuadrën austriake ka bërë që trajneri ta zëvendësojë sulmuesin kuqezi, njësoj si shumë prej formacionit të parë.

Tirol u barazua në fund të takimit në 3-3. Për sulmuesin kuqezi, ka qenë një debutim fantastik në këtë miqësore, duke dhënë premisa se në Austri do të gjejë formën ideale për të qenë edhe për Kombëtaren një alternativë shumë e vlefshme.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.