Konsullata Shqiptare në Milano ka njoftuar nëpërmjet një postimi në Facebook se të gjithë ata shtetas që duan të aplikojnë për dokumenta ID mund të marrin takim brenda ditës.
“Ju njoftojmë se tashmë të gjithë ata shtetas që dëshirojnë të aplikojnë për pasaportë dhe/ose kartë ID, data e takimit merret brenda ditës dhe vendoset nga shtetasi në momentin e aplikimit online në portalin e-albania.
Për të marrë shërbime pranë Konsullatës se Përgjithshme në Milano, ju duhet të kryeni paraprakisht kërkesën elektronike nëpërmjet platformës digjitale ëëë.e-albania.al Theksojmë se aplikimi elektronik mund të kryhet individualisht nga telefoni juaj celular ose kompjuteri juaj personal dhe ka kosto zero.
Caktimi nga vetë qytetarët në çastin e aplikimit të datës dhe fashës orare të takimit. Gjatë paraqitjes në Konsullate duhet të keni me vete e-mailin me detajet e takimit (datë, fashë orare, numër rradhe i cili gjenerohet automatikisht nga sistemi). Data e takimit caktohet brenda 24-orëve, për shërbimin gjatë orarit zyrtar. Shtetasit janë të lutur të respektojnë detajet e takimit të caktuar nga ata vetë.
Pagesa e faturave të shërbimit bëhet në bankë ose në çdo sportel nëpërmjet aparaturave POS të cilët pranojnë çdo lloj karte bankare dhe kanë komisionin më të ulët të transaksionit bankar (1 euro).
Sjellim në vëmendjen tuaj dhe njëherë se aplikimi kryhet individualisht dhe pa kosto. Në rast pamundësie ose mungese njohurish në fushën e internetit, ju mund të kërkoni asistencë nga të afërmit ose fëmijët tuaj të cilët kanë njohuri. Aplikimi nuk është i vështirë. Shmangni rritjen fiktive të kostos së shërbimit që merrni, duke kryer pagesa të panevojshme për kryerjen e aplikimit.
Për çdo paqartësi mos hezitoni të na kontaktoni në adresën tonë elektronike [email protected] ose ne adresen elektronike [email protected]”, shkruhet në faqen zyrtare në Konsullatës në Facebook.
Gjithashtu Konsullata Milano njofton se kanë mbërritur dokumenta ID për aplikimet deri më datë 11 qeshor 2021.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
