Ditët e sotme një pjesë e të rinjve zgjedhin të emigrojnë për një jetesë më të mirë në vendet më të zhvilluara të botës. Por ka edhe nga ata që kthehen në Shqipëri. Ky është rasti i 24 vjeçarit Donart Tota i cili pasi studioi në Amerikë u kthye për të jetuar në Kukës.

“Unë kam shkuar në Amerikë për studime dhe kam mbaruar studimet për shkenca kompjuterike dhe matematikë. Menjëherë pas studimeve jam punësuar në Amerikë, por gjithsesi mendjen dhe zemrën e kam gjithmonë në vendlindje. Kukësi ka një frymë që nuk ma jep Amerika, në fund të fundit është vendi im dhe ndaj dua të rri këtu. Kam zgjedhur të punoj për Amerikën sepse ka paga më të mira, por nuk dua të largohem nga vendlindje”, shprehet 24 vjeccari shqiptar.

“Nuk më pëlqen emigrimi që po ndodh, sepse do doja që të kishte më shumë të rinj në Kukës. Unë dua që me kalimin e kohës të hap disa biznese, synoj të ketë më shumë të rinj që të merren me programim dhe tí krijoi atyre mundësi të punojnë për kompani amerikane nga Kukësi, sic bëj edhe unë”, shprehet me optimizëm Tota.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.