Laureta Gashi, këngëtarja shqiptare në Turqi, në një intervistë rrëfen për jetën dhe karrierën artistike, si dhe për projektet e saj në vazhdim. Laureta është vendosur në Turqi që në vitin 2016, ku dhe ka një karrierë të suksesshme në tregun e muzikës. Ajo ka përfunduar studimet në Fakultetim e Arteve të Universitetit të Prishtinës. Këngëtarja Laureta Gashi, në Turqi njihet me emrin artistik Asya Gashi,

“Në Turqi kishin vështirësi të përmendin emrin tim dhe vendosën që emri im artistik të jetë Asya. Unë erdha në Turqi për të luajtur një film, më pas kur hyra në studio i pëlqeu zëri im dhe më propozuan të vazhdoj karrierën në muzikë. Fillimisht unë nuk dija as anglisht as turqisht dhe ishte vështirë ta dija nëse mund të kem sukses. Kur këndova për herë të parë nuk e mendova se do të kem kaq shumë sukses. Në këtë mënyrë u shkëputa pak nga aktrimi dhe vendosa të fokusohem tek muzika. Nuk e prisja që unë do pritesha kaq mirë në Turqi, kur shikoj se këngët e mia kanë marrë mbi 2 milion klikime. Këngëtarët këtu më kanë përkrahur shumë dhe ende nuk e besoj kur e shoh veten në revistat kryesore të Turqisë”, shprehet Lauret Gashi.

“Për momentin ndodhem në Amerikë për një projekt shumë të rëndësishëm dhe mezi po pres ta finalizoj, gjithashtu po punoj për albumin tim që e kam nisur prej 2 vitesh”, tregon Lindita Gashi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.