Një përfaqësi e komunitetit shqiptar në Rethimno në Greqi ka zhvilluar një takim me kreun e bashkisë Jorgo Marinaqis.

Temë e bisedimeve ka qenë dhe hapja e kurseve të mësimit të gjuhës shqipe për fëmijët shqiptarë.

Nga ana e tij kreu i bashkisë priti dhe mirëkuptoi kërkesën e tyre. “Jam njohur dhe me takimet tuaja me Drejtorin e Arsimit, Prefekten, por dhe me Drejtorin e shkollës në Kalithea që do të zhvillohet mësimi shqip. Nga ana ime keni një OK te madh. Para se të bëhesha Kryetar Bashkie unë isha avokat dhe kam ndjekur shumë çështje që kanë preokupuar shqiptarët. Kurrë nuk i kam parë të huajt me syrin racist. Ju jeni në punët tona, por tashmë ju keni arritur me mund e sakrifica që në punët tuaja të punësoni grekë. Kjo eshtë arritje”, mësohet të jetë shprehur Marinaqis.

Ai premtoi se çështjen e kurseve të gjuhës shqupe do ta kalojë së shpejti në këshillin bashkiak duke shpresuar të mos ketë kundërshtim dhe të miratohet me shumicë votash. Përfaqësuesit e komunitetit shqiptar në Rethimno falenderuan kryebashkiakun për pritjen.Në takim mori pjesë dhe kryetari i këshillit të emigratëve në bashki, z. Jorgos Motakis.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.