Konsullata shqiptare në Milano ka bërë të ditur se kanë mbërritur dokumentet biometrikë për aplikimet e bëra deri më 21 maj 2021.
Bëhet e ditur se dokumentat biometrike që janë gati do t’ju dërgohen me postë të gjithë qytetarëve që kanë bërë kërkesën dhe pagesën për këtë shërbim.
Në zbatim të dekretit të fundit të qeverisë italiane në lidhje me emergjencën covid-19, qytetarët e tjerë, për të përfituar nga ky shërbim (dërgesa me postë) mund të dërgojnë 📧 e-mail tek adresa zyrtare e konsullatës: [email protected].
Orari i shperndarjes ne Përfaqësi është 14.00 – 16.00 në çdo dite pune.
“Ju rikujtojmë edhe një herë që të gjitha kartat ID që dërgohen me postë janë të pa aktivizuara elektronikisht dhe nuk mund të përdoren në shërbimet bankare në Shqipëri. KUJDES!!! Dokumentat biometrike mund të tërhiqen brenda 1 viti nga dita e aplikimit, në rast të kundërt do të konsiderohen të refuzuar.
Faleminderit”, thuhet në njoftimin e konsullatës.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
