Etrit Berisha mund të jetë portieri i ri i Torinos. Portieri shqiptar duket se do të largohet nga SPAL për t’u rikthyer në Seria A.
Në fakt torinezët deri tani kanë shfaqur vetëm interes për portierin i cili ka pasur mjaft eksperiencë në futbollin Italian pasi ka luajtur më parë për Lazio dhe Atalanta prej vitit 2013.
Në moshën 32-vjeçare Torino mund të ketë një portier me eksperiencë, ndërkohë që Berisha duket shumë larg kombëtares shqiptare pasi Selmani është parë si zbulim i ri i Rejas kurse pritet edhe rikthimi i Thomas Strakoshës.
Për Torinon ka luajtur edhe një portier tjetër shqiptar më parë, Samir Ujkani vendin e të cilit tek Shqipëria e mori Berisha në 2012.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
