Fluturimet direkte me Kretën rinisën të martën (22 qershor) bën të ditur Aeroporti Ndërkombëtar i Rinasit. Fluturimet do të jenë dy herë në javë, të martave dhe të premteve.
“Rikujtojmë pasagjerët që udhëtojnë në Greqi se duhet patjetër të plotësojne 24 orë përpara udhëtimit formularin online PLF, ndryshe e kanë të pamundur të udhëtojnë.Eshtë i detyrueshëm regjistrimi digjital i udhëtimit (PLF) 24 orë përpara udhëtimit. Ju lutem gjeni formularin në këtë link: https://en.aegeanair.com/passenger-locator-form/”, bën të ditur TIA.
Kjo linjë ju vjen në ndihmë edhe shqiptarëve të këtyre ishujve. Kreta, në pjesën jugore të Detit Egje, është një nga ishujt më të ndryshëm të Greqisë, si dhe një nga ishujt më të dashur nga turistët, shumë prej të cilëve kthehen në ishull çdo vit ose dy, të gatshëm të përjetojnë një aventurë të ndryshme çdo herë.
Sakaq, fluturimet me Athinën, bëhen të përditshme nga Aeroporti Ndërkombëtar i Tiranës, po me Aegean Airlines.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
