Milot Rashica transferohet në Premier League. Sulmuesi shqiptar i dha fund eksperiencës prej tre sezonesh e gjysmë te gjermanët e Werder Bremenit, teksa pasditen e sotme u bë zyrtarisht pjesë e anglezëve të Norwich-it.
Rashica, që më 28 qershor do të festojë ditëlindjen e 25-të, ka firmosur një kontratë 4-vjeçare me Norwichin dhe pas një paraqitjeje mjaft të mirë në Bundesligë, do të kërkojë konfirmimin edhe në kampionatin anglez.
Nga ana tjetër Norwich sapo është rikthyer në Premier League, pas një sezoni në Championship dhe Rashica është i pari që vjen për të përforcuar skuadrën, që do të synojë qëndrimin sa më gjatë në elitën e futbollit anglez.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
