Qendra e Botimeve për Diasporën organizon për herë të parë “Takimin e Mësuesve të Diasporës”. Aktiviteti është parashikuar zhvillohet duke respektuar masat e marra kundër pandemisë ditën e nesërme ora 10:30, me pjesëmarrje fizike dhe online.
Ky takim i pari në historinë e mësimdhënies së gjuhës shqipe në Diasporë ka të ftuar mësues të cilët do të trajtojnë problematika të ndryshme që lidhe me mësimin e gjuhës shqipe në Diasporë, para dhe gjatë pandemisë si: Drita Gjongecaj (SHBA) e cila do të ndalet te “Trajnimet e mësuesve të Diasporës, Anila Kadija (Britani e Madhe): Si të punojmë me Fantazinë e fëmijëve duke bashkëpunuar me prindër dhe profesionistë vendas, Teuta Tabaku: Kultivimi, organizimi i mësimit të gjuhës shqipe për brezat e ndryshëm në Diasporë, Mustafë Krasniqi (Gjermani): Nxënësi, Prindi, Shoqëria de Shteti, Dritan Mashi (Itali); Ku jemi ne, me mësimin e gjuhës shqipe në Itali, Qemal Zylo (SHBA); Përvoja e shkollës shqipe “Alba Life” në USA në rritjen e cilësisë në mësimdhënie, Mimoza Bejkollari (Zvicër:) Përvoja në mësimdhënie të shkollave shqipe në Greqi dhe Zvicër; Melita Oreshkoviç (Kroaci); Mësimi i gjuhës shqipe sipas modelit C në Kroaci.
Të pranishëm në aktivitet do të jenë edhe Ministri i Shtetit për Diasporë, Pandeli Majko, Ministri i Arsimit, Shkencës, Teknologjisë dhe Ivovacionit në Kosovë Arbërie Nagavci, Ministria e Arsimit, Sportit dhe Rininë, Evis Kushi. Gjithashtu përfaqësues nga Ministria e Punëve të Jashte dhe Diasporës në Kosovë, si dhe përfaqësues nga Ministria për Evropën dhe Punët e Jashtme Shqipëri.
“Takimin e Mësuesve të Diasporës” është aktiviteti i radhës i Qendrës së Botimeve për Diasporën, synimi i së cilës është krijimi i një strukture të konsoliduar për mësimdhënien e gjuhës shqipe në Diasporë.
Kujtojmë krijimin e Këshillit Koordinues të Arsimtarëve në Diasporë (KKAD) i cili nisi punën më 1 shkurt të këtij viti. Miratimin pas një pune prej më shumë se një viti nga dy ministritë respetikve të Shqipërisë dhe Kosovës të koordinuara nga Qendra e për Diasporën i një kornize standarde për tekstet e Diasporës, etj.
Takimin mund ta ndiqni live në facebook Gazeta “Diaspora Shqiptare”
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
