Greqia ka shtyrë masat deri në 21 qershor për kufijtë Greqi-Shqipëri.
Greqia publikon në fletoren zyrtare shtyrjen e masave në pikat kufitare me Shqipërinë. Në vendim vihet re një ndryshim i vetëm, rritja e kuotave nga 400 persona në 1500 në ditë. Konkretisht, masat e kalimit në Greqi vijojnë të jenë:
-Lejohen shtetas grekë, shtetas shqiptarë me leje qëndrimi të vlefshme në Greqi, minoritarët si dh shtetasit shqiptarë me arsye madhore pune apo shëndetësore të dokumentuar.
-Pika kufitare në Kakavijë funksionon me orar 07.00-19.00, kuota e udhëtarëve bëhet 1500 persona në ditë.
-Pika kufitare në Kapshticë funksionon me orar 08.00-16.00, lejohet kalimi i 400 punëtorëve sezonalë me kontratë, në ditë.
-Pika kufitare në Qafëbotë funksionon me orar 08.00-16.00, lejohen 250 udhëtarë në ditë.
-Pika kufitare në Tri Urat (Merxhani) vijon e mbyllur.
-Çdo udhëtar duhet të jetë i pajisur me formularin PLF të 48 orëve të fundit, dokument të vaksinimit të përfunduar 14 ditë më parë ose dokument zyrtar për kalimin e sëmundjes covid-19, ose test molekular negativ të 72 orëve të fundit.
-Udhëtarët i nënshtrohen rapid test në kufi, nëse del pozitiv, vendosen për 10 ditë karantinë në ambjente të posaçme. Të vaksinuarit që rezultojnë pozitivë, vendosen në karantinë për 7 ditë.
Pala greke akoma nuk ka vendosur lehtësimin e masave në kufirin greko-shqiptar. Megjithëse burime të herëpasherëshme referohen në javët e ardhshme, nuk ka asnjë deklaratë zyrtare apo sqarim për këtë qëndrim të vazhdueshëm deri tani.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
