Këshilli i Integrimit në Gelsenkirchen i bashkohet rezolutës “Kundër antisemitizmit” pas propozimit te kryetares Teuta Abazi, juriste dhe aktiviste shqiptare në Gjermani.

Media gjermane shkruan se: Në takimin e 4-të të Këshillit të Integrimit më 27 maj 2021, kryetarja e Këshillit të Integrimit përsëriti deklaratën që ajo e bëri më 13 maj 2021 mbi incidentin e 12 majit para sinagogës hebreje.

“(…) Gelsenkirchen është një qytet ku shumë njerëz me origjinë dhe fe të ndryshme jetojnë së bashku në paqë. Antisemitizmi, racizmi dhe ekstremizmi nuk kanë vend këtu. Vetëm së bashku dhe pa paragjykim do të gjejmë mënyra dhe mjete për tu takuar gjithmonë në nivelin e duhur (…) ”, tha kryetarja Abazi.

Ajo është mjaft aktive në partinë SPD, në punën e saj si vullnetare për shoqërinë civile dhe angazhimet si këshilltare e Federatës së Juristëve socialdemokratë në landin e Nordrhein-Uestfali.

Pak kohë më parë, Teuta u vlerësua me çmimin “Ambasadore e Paqes” nga organizata “Global Socio-Economic and Financial Evolution Network”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.