Drejtues të lartë të institucioneve të Diasporës së Shqipërisë si dhe drejtues të lartë në Ministrisë së Arsimit, Shkencës, Teknologjisë dhe Inovacionit të Kosovës zhvilluan sot një takim të rëndësishëm për unifikimin e politikave të mësimdhënies në Diasporë mes Shqipërisë dhe Kosovës, si dhe vijimin e punës për zbatimin e marrëveshjeve të përbashkëta në këtë fushë.
Në këtë takim u diskutua mbi rëndësinë e zbatimit të pikave që përmban neni 2 mbi: Organizimin e përbashkët të mësimit të gjuhës shqipe dhe të kulturës shqiptare në mërgatë. Objektivi i këtij neni mund të arrihet në zbatim e pikave e mëposhtme:
Harmonizimin të legjislacioneve përkatëse;
Hartimit të kurrikulave dhe të teksteve mësimore të unifikuara;
Përcaktimi të standarteve të përbashkëta të rekrutimit të mësuesve;
Bashkëfinancimit të projekteve dhe të programeve të miratuara nga institucionet përgjegjëse të palëve;
Organizimit të përbashët të fushatave sensibilizuese dhe promovimit të aktiviteteve të përbashkëta.
Në këtë mbledhje të organizuar nga Qendra e Botimeve për Diasporën, në fjalën e tij Ministri i Shtetit për Diasporën, z. Pandeli Majko, nxiti përfaqësuesit e institucioneve kryesore të Shqipërisë dhe Kosovës që kanë në fokus çështjen e mësimdhënies në Diasporë që të bashkërendojnë punën dhe të përshpejtojnë ritmet për zbatimin e pikave të marrëveshjeve të përbashkëta me qëllim unifikimin e politikave të mësimdhënies në Diasporë. “Ia vlen të kujtohet se kjo mbledhje po zhvillohet në të njëjtin ambient ku janë zhvilluar bisedimet për menaxhimin e krizës së Kosovës. Kjo sallë është dëshmitare sesi kanë evoluar gjërat që nga ajo kohë. Luftën me plumb e kemi fituar, tani jemi përpara një beteje tjetër edhe më të vështirë, siç ajo e globalizimit dhe asimilimit.”
Të pranishmit diskutuan mbi koordinimin për planifikimin, botimin dhe shpërndarjen e librave bazë, librave ndihmës dhe mjeteve të tjera mësimore për shkollat me mësim plotësues në gjuhën shqipe në Diasporë dhe në mërgatë, planifikimi i aktiviteteve të përbashkëta në Diasporë, organizimi dhe zhvillimi i Seminarit të Përbashkët “Për mësimin plotësues të gjuhës shqipe bë Diasporë”, regjistri i mësuesve në Diasporë dhe certifikatat vjetore.
Mbledhja do të vijojë ditën e nesërme me Komisionin e Përbashkët të Shqipërisë dhe të Kosovës.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
