Në Kalabri është mbajtur takimi me temën “Mbrojtja e identitetit në Europën e re”. I pranishëm në këtë takim deputeti italian i Parlamentit Europian Vincenzo Sofo foli mbi traditat e arbëreshëve, kulturën dhe zhvillimin ekonomik dhe promovimin e tyre në Europë, lidhjet me Europë dhe Shqpërinë.

Sofo është rritur në Milano nga një familje kalabreze dhe lidhjet me tokën e prindërve të tij i ka të forta. Ai thotë se Kalabria dhe Italia e Jugut është qendër e Mesdheut, urë drejt Afrikës qëpo kthehet në çështje për sigurinë dhe migrimin, urë drejt lindjes si një faktor stabiliteti dhe për të rajoni ka një vlerë që duhet të rikuperohet.

“Italia e Jugut është shumë më shumë dhe duhet të nxjerrim këtë potencial që nis nga identiteti, nga nis Europa. Jam në Parlamentin Europian, problemi i Europës sot nuk është se jemi antieuropë, po kundër një projekti Europe që merret me gjithçka përveçse me esencën dhe identetin e Europës. Nëse heqim dorë nga kjo heqi dorë nga origjina, identiteti jonë dhe nuk mund të shkojmë askund.
Një nga këto trashëgimi është ajo etnike, gjuhësore që janë këtu të pranishme prej shekujsh që kanë bërë historinë e Kalabrisë”, tha ai duke theksuar se ajo që i duhet kësaj zone është një politikë atraksioni.

Bota arbëreshe tha ai është një prej këtyre vlerave të shtuara që duhet përdorur për të kërkuar jo vetëm zhvillim në infrastrukturë, kulturë por siç u shpreh ai “pse mos ti kërkojmë Italisë apo Europës për lidhje mes Shqipërisë dhe Kalabrisë, pse këto botë të mos rinisin të flasin mes tyre, përmes ambasadave një takim mes vendeve dhe Kalabrisë dhe Europës. E lidhim duke marr gjënë më të rëndësishme që kemi, identitetin tonë dhe ta bëjmë motor të zhvillimit”.

Ai foli dhe për zhvillimin ekonomik ku bizneset kalabreze të ekspozohen në Francë apo Spanjë duke krijuar bashkëpunime ekonomike për zhvillimin e zonës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.