Duke filluar nga data 1 qershor 2021, Qeveria rumune ka marrë vendimin për lejimin e hyrjes në territorin e vendit të shtetasve të vendeve që nuk janë anëtare të Bashkimit Evropian.

Për rrjedhim, shtetasit shqiptarë lejohen të hyjnë në Rumani në bazë të marrëveshjes për liberalizimin e vizave me vendet e Bashkimit Evropian dhe të qëndrojnë 90 ditë në një periudhë kohore prej 6 muajsh.

ÇFARE DUHET TE KENI KUJDES

Në momentin e hyrjes në Rumani, shtetasit shqiptarë nuk duhet të kenë ndalim në ndonjë nga vendet e zonës Schengen ose të Bashkimit Evropian, si dhe duhet të kenë me vete dokumentet si më poshtë:
📍 Pasaportën biometrike të vlefshme të paktën edhe 3 muaj pas datës që planifikohet largimi nga territori i Rumanisë;
📍 Një ftesë nga një qytetar rumun apo një shtetas i huaj me qëndrim të rregullt në Rumani ose prenotimin e një hoteli për periudhën e qëndrimit;
📍 Para të mjaftueshme për periudhën e qëndrimit, 50 Euro dita por jo më pak se 500 Euro gjithsej. Në rast të përdorimit të Kartave bankare, duhet të kenë me vete vërtetimin e bankës për gjendjen e parave në llogarinë bankare të lidhur me kartën;
📍 Sigurimin shëndetësor ndërkombëtar për periudhën e qëndrimit në Rumani;
📍 Biletën e kthimit, në rastin e udhëtimit në rrugë ajrore.

Duhet të keni parasysh se në aspektin epidemiologjik, Shqipëria është në listën e gjelbër dhe nuk është e nevojshme paraqitja e një testi negativ RT-PCR COVID-19 në hyrjen në Rumani.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.