Në Melburn të Australisë është ndarë nga jeta në moshën 83-vjeçare aktivistja dhe vullnetarja shqiptare Jeanette Mustafa.
Komuniteti shqiptar i Sheppparton ka shprehur ngushëllimet për humbjen e saj duke u shprehur se “fjalët janë të pakta për të përshkruar një jetë e mbushur me aqë shum vrull dhe dashuri për atdhe”.
“Ngushëllime të sinqerta familjes për humbjen e Jeanette Mustafës. Një zonjë frymëzuese e cila ishte një vullnetare dhe mbështetëse e palodhur për komunitetin shqiptar. Ajo do të mungojë shumë nga të gjithë ata që e njohën dhe veçanërisht nga ata që kishin privilegjin të punonin përkrah saj”, thuhet në mesazhin e ngushëllimit.
Në 2017-tën në Ditën e Australisë, Znj. Mustafa mori medaljen e Urdhrit të Australisë për shërbimin e saj shumëvjeçar ndaj komunitetit shqiptar. E lindur në një qytet të vogël rural në Queensland, Mustafa nisi vullnetarizmin si adoleshente. Ajo shërbeu si sekretare e Organizatës së Fermerëve të Queensland Junior dhe festivalit vjetor Babinda Sugar.
Më vonë ajo u zhvendos në Melburng, ku iu bashkua Dhomës së Tregtisë Moonee Ponds dhe Shoqatës së Tregtarëve Niddrie.
Në 1991 ajo nisi vullnetarizmin për organizatën Quota International të Essendon dhe më herët është shprehur se duke qenë pjesë e Quota, duke përfshirë mandatin e saj si presidente dhe kryetare e mbledhjes së fondeve ishte një nga arritjet e saj që e bënte kreare.
Mustafa, babai i së cilës emigroi nga Korça në Australi, në 1991 organizoi dhe një thirrje të Kryqit të Kuq pas rënies së komunizmit në Shqipëri ku bëri apel për të mbledhur fonde dhe dërguar ilaçe për të sëmurë dhe njerëz në nevojë në Shqipëri.
Kjo bëri që znj Mustafa të afrohej nga anëtarët e komunitetit për të marrë pjesë në formimin e grupit të parë të Grave Australiane Shqiptare. Si pjesë e grupit ajo ndihmoi të sillte fëmijë shqiptarë në Australi për trajtim mjekësor. “Kushdo që më njeh e di që unë jam një australiane shumë patriote, por nuk mund të harrosh kurrë rrënjët e tua” do të shprehej ajo 4 vite më parë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
