Grasshopersi ku aktivizohet futbollisti i Kombëtares, Ermir Lenjani, ka arritur të sigurojë ngjitjen në elitën e futbollit zviceran.
Me fitoren ndaj Kriensit, me rezultatin 2-1, Grasshopersi e ka mbyllur kampionatin në Ligën e Parë zvicerane si kryesues, me 65 pikë, 1 më shumë se Thun i vendit të dytë, me të cilët luftuan deri në javën e fundit.
Padyshim që meritë për këtë arritje të Grasshopers, ka edhe Lenjani, i cili është një titullar io padiskutueshëm në skuadrën zvicerane.
Futbollisti i Kombëtares ka qenë edhe protagonist, me 1 gol dhe 2 asiste gjatë këtij sezoni, në 32 ndeshje të zhvilluara.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
