Presidenti i Shoqatës “Komuniteti shqiptar në Itali” Ahmet Bendo ka bërë me dije se ditën e mërkurë do të organizohet një manifestim për ratifikimin e ligjit për marrjen e nënshtetësisë. Qëllimi i këtij manifestimi është rihapja e plotë dhe kompletimi i saj. Bendo i bën thirrje të gjithë komunitetit shqiptar në Breshia dhe anëtarëve të shoqatës që të bëhen pjesë e këtij takimi.

“Njoftojmë komunitetin shqiptar  në Breshia, antarët e shoqatës së Komunitetit shqiptar se ditën e mërkurë datë 19.05.2021 ora 17.30, pranë Prefekturës qendrore në Breshia shoqatat e bashkuara të Federatës së emigrantëve FABI, dhe organizime të tjera do të zhvillojnë një manifestim për ratifikimin e Sanatores duke kërkuar rihapjen e saj dhe kompletimin e saj të plotë, përsa i përket ligjeve të nënshtetësisë”, shkruan Presidenti i shoqatës Ahmet Bendo.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.