Pas hapjes së gastronomisë, që u realizua të hënën në 3 maj, tashmë i vjen radha hapjes së shkollave në 10 maj dhe të turizmit, në 15 maj.
Në të njëjtën datë pritet të lejohet dhe lëvizja nga njëri rreth në tjetrin. Që nga e hëna është shtuar me 60 minuta orari i lëvizjes dhe ndalimi tashmë nis në orën 23.00 dhe mbaron në orën 05.00 të mëngjesit. Siç bën të ditur dhe agjencia zyrtare e lajmeve ANA MPA, hapat e mëtejshëm të planifikimit që ka bërë qeveria në bashkëpunim me ekspertët janë:
Të gjithë shkollat e nivelit të parë e të dytë, pra kopshtet, fillort, gjimnazet dhe licetë të hënën më 10 maj do të nisin me praninë e nxënësve dhe kryerjen paraprake të testit.
Të shtunën, më 15 maj do të hapet dhe turizmi. Turistët që do të mbërrijnë nga jashtë Greqisë do të duhet të kenë me vete ose dëshminë e vaksinimit, ose të kenë kryer 72 orë përpara testin PCR dhe të rezultojë negativ.
Me hapjen e turizmit pritet të lejohet dhe lëvizja nga njëri rreth në tjetrin për të githë qytetarët. Gjithashtu pritet të komunikohet dhe heqja e detyrimit për të dërguar SMS për çdo lëvizje të qytetarëve. Deri atëherë çdo lëvizje duhet bërë pasi të jetë dërguar SMS. Made dhe për të shkuar në një restorant, tavernë apo kafeteri, qytetarët duhet të dërgojnë SMS-në. Burimet qeveritare thonë se realizimi në praktikë i këtij plani do të varet nga ecuria e pandemisë ditët e ardhshme.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
