Dy gra shqiptare humbën jetën dje në Florida, pasi u qëlluan me thikë nga një 19 vjeçar. Sipas mediave lokale Zhaneta dhe mbesa e saj Hera Dindi humbën jetën pas sulimit të Sage Gayle Curry në shtëpinë e tyre.
Për ti ardhur në ndihmë familjarëve komuniteti shqiptar në SHBA ka ngritur online një fond bamirësie. Reagimi i shqiptarëve ka qenë i menjëhershëm dhe deri më tani janë mbledhur 12.155 dollarë.
Lexo edhe: E rëndë në SHBA/ 19-vjeçari vret me thikë dy vajza shqiptare në Florida
“AHFT (Albanian Heritage Foundation Of Tampa Bay) me hidhërim ju njofton humbjen e papritur të dy pjestareve të komunitetit tonë zonjës Zhaneta Dindi dhe mbesës së saj Hera Dindi. Ceremonia mortore dhe varrimi do të bëhen sot, tek Curlew Hills Memory Gardens Funeral Home”, shkruhet në njoftimin e AHFT, ku njëkohësisht është reklamuar edhe numri i llogarisë ku mund të bëhen donacionet.
Agresori hyri në shtëpinë e dy grave shqiptare dhe përdori një thikë për të kryer krimin. Ngjarja është raportuar nga fqinjët dhe më pas vrasësi është arrestuar nga policia.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
