“VIATA ALBANO – ROMANA” = (Jeta shqiptare-Rumune) ishte një revistë e përmuajshme politike, shoqërore e shkencore në gjuhët rumanisht, frëngjisht e pjesërisht edhe shqip. Kjo revistë drejtohej nga Dr. Shunda. – Konstancë (Rumani). Numri i parë doli më 15 prill 1909.
Kjo revistë botoi 16 numra deri në vitin 1910. Përgjatë atyre viteve midis grupeve të reja të mërgimtarëve nga pjesë të ndryshme të Ballkanit që arritën në Rumani ishin familjet e poetëve Viktor Eftimiu dhe Lasgush Poradeci.
Në atë kohë, lëvizja për pavarësi arriti kulmin, dhe për një kohë të shkurtër në vitin 1905, ishte e përqendruar në veprimtarinë e Albert Gjikës. Një shkollë shqipe u hap në vitin 1905 në qytetin e Konstancës, e një ndër nxënësit ishte poeti Aleksandër Stavre Drenova. Në vitin 1912, në një takim të udhëhequr nga Ismail Qemali në Bukuresht, ku morri pjesë edhe Drenova, u miratua rezoluta e parë në lidhje me pavarësimin e Shqipërisë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
