Në Shqipëri vijon procesi i numërimit të votave, i cili deri mëngjesin e kësaj të marte ka shkuar në 88%, përkthyer në kuti votash 4588 qendra votimi nga 5199 në total.
Megjithëse së fundmi ka humbur një mandat, Partia Socialiste vijon që të kryesojë zgjedhjet e vitit 2021 në rang kombëtar, me 72 mandate, ose 48.62%. Ndërkohë Partia Demokratike ka marrë 39.2% duke siguruar 59 mandate. Lëvizja Socialiste për Integrim në këto zgjedhje deri më tani ka siguruar 6 mandate duke marrë 6.86% të votave. LSI së fundmi e ka siguruar mandatin e 6 në qytetin e Durrësit. Një surprizë ka rezervuar edhe Partia Social Demokrate, duke marrë 3 mandate.
Ndarja e partive
Partia Socialiste e Shqipërisë 72 mandate, 653706 vota, 48.62%
Partia Demokratike – Aleanca për Ndryshim, 59 mandate, 527018 vota, 39.2%
Lëvizja Socialiste për Integrim, 6 mandate, 92248 vota, 6.86%
VOTA TE PAVLEFSHME
Sakaq, në këto zgjedhje është vënë re një numër i madh votash të pavlefshme, shifër e cila i ka kaluar 50 mijë.
INCIDENT
Një incident u shënua në orët e vona të mbrëmjes në KZAZ nr.30 në shkollën “5Maji” në Tiranë. Vëzhguesit u përplasën fizikisht me njëri tjetrin e sipas njoftimi të policisë, u shoqëruan 8 persona në polici. Puna u ndërpre për disa orë, për të rinisur më pas.
