Poeti i ri shqiptar në Itali, Klaudio Findiku është emëruar si Delegat Rajonal në Trentino, nga Akademia prestigjoze “Universum” me qëndër në Lugano të Zvicrës.

“Akademia Universum” Zvicër është një organizatë e pavarur e themeluar në Bellinzona (Zvicër) në 1990 nga Dr. Valerio Giovanni Ruberto, Presidenti aktual Federal.

“Ky emërim vjen në një kohë jo fort të lehtë në një moment shumë të vështirë, ku pandemia e COVID-19 ka pllakosur botën.

E prita me shumë gëzim këtë emërim e privilegj të prezantoj e të jem flaja e Akademisë prestigjoze Universum me qëndër në Lugano të Zvicrës.

Kjo detyrë përkon me një angazhim të lart me një objektiv që kam në promovimin e kulturës dhe të rinjve. Një aspekt jo pak i lehtë për t’u arrirë për shumë faktorë sepse kemi të bejmë me një gjeneratë dixhitale. Por fakti që ka të rinj që kanë talente të veçanta në shumë fusha plus dhe përvoja ime në 10 vjet në drejtime shoqatash të ndryshme do të më ndihmojnë në arritjet e objektivave.

Klaudio Findiku tregon se gjithmonë ka pasur mbështetjen  e institucioneve në Trentino për kontributin që ka dhënë ndër vite: “Kam pas mbeshtetje nga komunat dhe institucionet e Trentino në këto vite kontribute në fushën e vullnetarizimt. Disa prej krerëve të institucioneve lokale dhe rajonale janë vënë në dijeni për këtë detyrë të re timen të cilën e kanë mirëpritur”, shprehet poeti shqiptar Findiku.

Klaudio Findiku tregon për “Diaspora Shqiptare” se planet për të ardhmen janë të shumta: “Në ditët në vijim do të vë në dispicion një plan veprimesh po ashtu dhe stafin tim që do të më mbështesë. Po ashtu do të bëhet dhe binjakëzimi i “Universum Academy Sëitzerland” me Organizatën Vullnetare “Shqipet Onlus Trentino Alto Adige”, shoqatë të cilën kam pas nderin e veçantë ta drejtoj, të kem qenë bashkëthemelues i saj e të jem aktualisht në stafin drejtues të saj. Në 28 shtator do të jem dhe prezent në Rimini ku do të mbahet dhe dita e fjalimit tim dhe e betimit tim në Asamblenë dhe në organizimin që Universum po bën në këtë ditë. Objektivat do të vazhdojnë me një synim të veçantë për artin në veçanti ku do të promovojmë talentë, dhe në fusha të tjera jo vetëm në art, duke inkurajuar sa më shumë të rinj t’i afrohen nismave tona.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.