Bledar Meti nga Shkodra prej vitesh jeton dhe punon në Uells. Ai u rrit dhe u shkolluar fillimish në Shkodër, ndërsa më vonë jeta e tij u ridimensionua në Britaninë e Madhe. Fillimisht ai ka qenë officer drejtues për zyrën e emigracionit, ndërsa tani është një ndër figurat më të rëndësishme të “Home Office”. Edhe pse kishte në portofolin e tij disa diploma, ai u diplomua për shkenca politike dhe marrëdhënie ndërkombëtare, duke marrë kështu titullin “BA HONS”, në Universitetin perëndimor të Anglisë, në Bristol.

I ftuar në emisionin “Boeing 104.6” ai tregon rrugëtimin e tij: “Kam punuar në Ministrinë e Brendshme në zyrën e emigrcionit, një degë më vete e Ministrisë Brendshme. Askush nuk mund të thotë se angazhimi dhe jeta aktive në një vend të huaj është i lehtë. Unë në vitet e luftës së Kosovës, punoja për një shoqatë britanike si përkthyes, punoja për dy drejtuesit e degës së Shkodrës. Duke punuar me to e kisha më të lehtë kur erdha.”

Përsa i përket përshtatjes me jetesën në një vend tjetër Bledar Meti shprehet kështu: “Të gjithë ata që vijnë në fillim në Britani e kuptojnë ndryshimin mes t punuarit dhe të jetuarit mes Evopës dhe Britanisë. Me kalimin e kohës  sigurisht fillon dhe mësohesh për cdo gjë, me kuzhinën, traditat, mënyrat e jetesës. Unë për shembull kur kam ikur nga Britania për një kohë të gjatë, fillojnë e më mungojnë shumë gjëra, edhe ushqimi, pavarësisht se britanikët nuk mbahen me emër për gatimet. Britania është një vend multi kultural dhe është shumë e lehtë që ti të ruash traditat, gjuhën dhe kulturën.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.