Kryeministri i Ontarios Doug Ford ka njoftuar ashpërsimin e masave anti Covid si dhe duke zgjatur me 2 javë të tjera afatin e masave ekzistuese.

Masat e reja parashikojnë pakësim të numrit të personave që mund të grumbullohen bashkë në dyqane, në veprimtari shoqërore, dasma, funerale ose edhe thjesht vizita në shtëpi, si dhe autorizojnë policinë të ndalojë cilindo që ndodhet jashtë dhe ta marrë në pyetje se pse nuk zbaton urdhrin “qëndro në shtëpi”.

“Siç tregojnë të dhënat e fundit, pa marrë masa të menjëhershme dhe vendimtare, rastet e COVID-19 do të dalin jashtë kontrollit dhe spitalet tona do të mbingarkohen. Kjo është arsyeja pse ne po marrim vendime të vështira, por të domosdoshme për të zvogëluar lëvizjen dhe për t’i mbajtur njerëzit të sigurt në shtëpitë e tyre. Ne duhet të kontrollojmë përhapjen e këtij virusi vdekjeprurës, ndërsa bëjmë sa më shumë vaksinasa më shpejt të jetë e mundur”, tha Kryeministri Ford.

Gjithashtu, duke filluar prej orës 12.01 AM të së hënës, 19 prill 2021, në rrugët që lidhin Ontarion me dy provincat fqinje, Quebec dhe Manitoba, do të vendosen postblloqe për të ndaluar hyrjen e qytetarëve pa arsye të forta.

Pra masat të përmbledhura parashikojnë kufizim të lëvizjes, rregulla të përforcuara dhe marja e vaksinës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.