Studiuesi Auron Tare aludon për një shqiptar të dikurshëm, sipas tij nga zona e Çamëri-Konispolit, i cili vërteton faktin se ndenja e turizmit ka ekzistuar dhe ndër ne, shqiptarët atë kohë.

“Kush tha që shqiptarët rezultojnë joturistë në të kaluarën? E dua këtë foto. Një shqiptar, mendoj nga rajoni Konispol-Çamërisë, duke lënë malet e tij dhe duke iu afruar ‘qytetërimit’.

A udhëton për kënaqësi, biznes apo çfarë? Kushedi pse po mendon ndërsa afrohet në breg”, shkruan Tare, duke komentuar një foto të rrallë të publikuar, që sipas tij, nuk ka dyshim që është e një shqiptari.

“Më kujton historinë që u tregova në vitin 1995 në Korfuz: pranë Kalasë në Portin e Vjetër ishte një vend i quajtur ‘Mavro Gato’ (Macja e Zezë”.

Historitë thonë se të gjithë shqiptarët do vinin në Korfuz për të luajtur letra dhe establishmenti i donte sepse paguanin gjithmonë në monedha ari. 

Mos ndoshta ky djali është nga ata shqiptarë qe shkon ne Korfuz për të provuar fatin e tij në ‘dhomat e civilizuara” të Maces së Zezë?”, shkruan Tare.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.