Situata COVID-19 në Zelandë të Re është ndryshe nga ajo në pjesën më të madhe të vendeve në Botë.

Në Zelandë lejohet edhe organizimi i eventeve të ndryshme, me një numër të caktuar personash.

Si rrjedhojë në këtë vend është i mundur edhe organizimi i dasmave, ku vet këngëtarja shqiptare Ves Luma ka pasur rastin së fundmi të jetë protagoniste në njërën prej tyre.

Në disa fotografi të publikuara në rrjetin social Instagram, Luma ka bërë të ditur se ka qenë prezente në një dasmë të organizuar nga komuniteti shqiptar në Zelandën e Re.

Ajo është dukur mjaft bukur dhe atraktive e veshur me një fustan të zi të shkurtër dhe shumë elegant, teksa ka shijuar atmosferën e këtij organizimi së bashku me burrin e saj, Big Basta.

Në videon e publikuar nga Vesa në InstaStory, vërehet se si diaspora shqiptare e Zelandës së Re kërcen e dëfrehet në dasmë me këngë të njohura shqiptare, ku në sfond dëgjohej “Kuq e zi” e Elvanës dhe Florit.

Ndërkohë, shteti i Zelandës së Re nuk ka shënuar asnjë rast ditën e djeshme me coronavirus, teksa në total që nga fillimi i pandemisë ka pasur 2571 raste, prej tyre 2440 të shëruar dhe vetëm 26 të vdekur.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.