Dua Lipa vazhdon të jetë ndër artistet më të nominuara në ceremonitë shpërblyese të muzikës.

Ceremonia e radhës është ngjarja e përvitshme “iHeartRadio Music Award”, ku këngëtarja me prejardhje kosovare ka arritur t’i fitojë 4 nominime në kategoritë: “Artistja më e mirë e vitit”, “Kënga më e mirë e vitit” për hitin e saj “Don’t Start Now”, “Teksi më i mirë” dhe “Videoklipi më i mirë”, po ashtu për këngën “Don’t Start Now”.

Ceremonia e ndarjes së këtyre çmimeve mbahet live më 27 maj në teatrin “Dolby” të Los Angelesit, ndërsa ngjarja do të transmetohet në kanalin “Fox”.

Suksesi i albumit të dytë të Dua Lipës, “Future Nostalgia” ka qenë i padiskutueshëm, duke e vënë atë në listën e artisteve më të dëgjuara në radio e platforma muzikore, dhe më të nominuar nëpër ceremoni të ndryshme shpërblyese.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.