Italia ka hyrë në një izolim të rreptë 3 ditor me qëllim për të parandaluar përhapjen dhe rritjen e rasteve të reja me Covid-19 gjatë Pashkëve.

Të gjitha rajonet tani bëjnë pjesë në “zonën e kuqe”, niveli më i lartë i kufizimeve në një kohë që vendi po lufton me një valë të tretë prej Covid-19.

Janë ndaluar lëvizjet jo të domosdoshme dhe njerëzve nuk u lejohet të konsumojnë një vakt të Pashkëve në shtëpi me dy persona të tjerë që nuk janë anëtarë të familjes.

Kishat janë të hapura, por qytetarëve u thuhet të marrin pjesë në shërbimet brenda rajoneve të tyre.

Për vitin e dytë radhazi Papa Françesku do të japë mesazhin e tij të Pashkëve në një shesh të madh të Shën Pjetrit.

BBC raporton se pas fundjavës së pushimeve, rajone të ndryshme do të qëndrojnë më pas në kufizimet e “zonës portokalli” ose “zonës së kuqe” deri në muajin maj.

Vendimi i Italisë për të vendosur kufizmet e reja vjen në një kohë kur vendet e Europës po përballen me një valë të tretë të infektimeve, ndërsa vijojnë me një fushatë të ngadaltë të vaksinimit masiv.

Theksojmë se Italia është një nga vendet më të goditura nga pandemia,  ku më shumë se 110,328 persona kanë humbur jetën nga fillimi i pandemisë dhe më shumë se 3.6 milion të infektuar me Covid-19.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.