“Forca e Diasporës” është krijuar nga shqiptarët e Kosovës jashtë vendit në përpjekje për të kanalizuar kapacitetin intelektual dhe biznesor të diasporës në vendlindje.

Avni Dervishi, politolog që jeton në Suedi dhe Shpëtim Alaj, ekonomist që jeton në Gjermani kanë folur më shumë rreth këtij projekti.

“Forca e Diasporës është krijuar për të kanalizuar kapacitetin dhe intelektual dhe biznesor i diasporës në vendlindje, jo vetëm në Kosovë po në të gjitha trojet shqiptare. Të kanalizojmë dhe strukturojmë vullnetin tonë që të ndërtojmë ura bashkëpunimi mes vendeve ku jetojmë dhe vendlindjes. Jo vetëm çështje e remitancave që vijmë një herë në vit po të jemi këtu 365 ditë në vit dhe fizikisht por dhe mënyra e bashkëpunimit, thotë Avni Dervishi.

Përsa i përket ekonomisë së vendit, Alaj thotë se angazhimi kryesor do të jetë sjellja e investitorëve të huaj në Kosovë dhe jo vetëm.

“Angazhimi kryesor i yni që të sjellim investitorë në Kosovë në mënyrë që të ndalohet eksodi i rinisë kosovare, dhe kjo ndodh nëse ka një zhvillim të mirëfilltë ekonomik. Fatkeqësisht janë bërë disa gabime të mëdha në këtë aspekt dhe shpresojmë që përvoja tonat që kemi marrë në perëndim ti shfrytëzojmë e kanalizojmë në mënyrë ta tjera që ata investitorë të vijnë. Duhet që përvoja jonë të shfrytëzohet për instalimin e një infrastrukture në Kosovë, siç është shkollimi dual i të rinjve sepse janë faktorët kryesore për një kompani që është serioze e të vjen të investojë në Kosovë janë klasa e re punëtore dhe e shkolluar”, tha ai.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.