Livia Tepshi, kërkuese shkencore pranë Institutit “Kyri” në Paris në një lidhje me Skype në emisionin “Abc-ja e mëngjesit”  tha se rritja e rasteve në Francë ishte e pritshme, por nuk ka ndikuar vetëm shfaqja e mutacionit britanik.  Duke u ndalur tek vaksinat, Livia tha se vaksina AstraZeneca është testuar dhe ka treguar një efekt prej 10 përqind në variantin e Afrikës së Jugut.

“Jo të gjithë studimet për variantet e reja janë akoma në zhvillime të reja. Për shembull për AstraZenecan është testuar mbi variantin e Afrikës së Jugut dhe ka treguar një efikasitet prej 10 përqind. Ndërkohë që ka vaksina të tjera që janë më të reja por të paktën në Francë nuk përdoren akoma që janë testuar mbi të dyja variantet.

Për shembull Novavax që përdor një teknologji të re të vaksinës. Është testuar tek të tre variantet, dhe kishte një efikasitet prej 86 përqind në variantin anglez, 55 përqind në atë të Afrikës së Jugut dhe 96 përqind për variantin origjinal.”, u shpreh Tepshi./Abc News

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.