Maqedonia e Veriut ka shtyrë procesin e regjistrimin e popullsisë për në shtator. Në një kohë kur mbi 150 mijë qytetarë ishin regjistruar online nga Diaspora.

Shtyrja e datës së censusit vjen si pasojë e efekteve të pandemisë në vend. Ky vendim u arrit pas bisedës së zhvilluar të hënën mes kryeministrit Zaev dhe liderit të opozitës.

Në një intervistë për A2, Abdylvehab Ejupi, Zv.redaktor i lajmave në “Trt World” në Stamboll shprehet se vendimi për të shtyrë këtë proces të rëndësishëm dekurajon të gjithë Diasporën që u mobilizua me këtë proces të rëndësishëm:

“Regjistrimi i popullsisë në një shtet normal është një process statistikor që ka për bazë marrjen e të dhënave të sakta të popullatës. Por në Maqedoni është një proces më tepër se statisikor, është politik dhe juridik. Në bazë të përqindjes së shqiptarëve atje do të jetë dhe numri i të drejtave juridike që njihet nga kushtetuta. Gjuha shqipe është 20 për qind të Maqedoni, sepse nuk është vetëm gjuha, por lidhet edhe me shumë të drejta tjera, dokumenta, pasaporta, gjithçka që duhet të kemi në gjuhën shqipe. Maqedonia është i vetmi vend në Evropë që nuk ka realizuar censusin që nga viti 2002. Maqedonia i ngjan një autobusi që nuk dihet ku shkon dhe çfarë pasagjerësh ka Brenda. Ky proces i hapur do të sqarojë shumë gjëra. Regjistrimi i popullsisë në terren u shty për datën 7 shtator, ndërkohë që duhej të niste më 1 prill. Shtyrja u bë për shkak të procesit të vaksinimit, por ky vendim është edhe një tradhti për të gjithë shqiptarët dhe Diasporës, sepse ishte një mobilizim i madh i Diasporës dhe ndalimi i këtij procesi është një dekurajim. Ende nuk është sqaruar nëse regjistrimet e kryera deri tani do të njihen. Rreth 25.5 për qind e popullsisë në Maqedoninë e Veriut janë shqiptarë”, u shpreh Abdylvehab Ejupi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.