Ambasada shqiptare në Itali bën të ditur se qytetarët që kanë aplikuar për pasaportë apo kartë ID deri më 19 shkurt 2021 mund ti tërheqin tashmë.

Nisur dhe nga situata e pandemisë, ambasada bën të ditur se tërheqja mund të bëhet përmes korrierëve postarë. Por ndërkohë tërheq vëmendjen dhe për procedurat me korrierë duke thënë se për ata që nuk kanë plotësuar formularin për tërheqjen me korrierë në ditën e takimit në ambasadë duhet të dinë që çdo korrier që zgjidhen duhet të ketë autorizim të firmosur për tërheqjen shoqëruar nga kopja e dokumentit të identifikimit, kuponin e aplikimit që kanë marrë në ambasadë dhe dokumentin “lettera di vetura” vetëm nëse ju kërkohet nga korrieri.

NJOFTIMI I PLOTE

Njoftim!
Ambasada e Republikës së Shqipërisë në Romë njofton qytetarët që kanë aplikuar për pasaportë dhe letërnjoftim deri më datën 19 shkurt 2021, se dokumentet kanë mbërritur.
Në zbatim të legjislacionit të emergjencës COVID-19, ato do të mund të tërhiqen edhe përmes korrierëve postarë.
Nëse nuk keni plotësuar formularin për tërheqjen me korrier në ditën e takimit në Ambasadë, atëherë cilido korrier që zgjidhni duhet të pajiset me:
1. Autorizimin e firmosur për tërheqjen, shoqëruar nga kopja e dokumentit tuaj të identifikimit;
2. Kuponin e aplikimit që keni marrë në Ambasadë;
3. Dokumentin “lettera di vettura”, vetëm nëse ju kërkohet nga korrieri.
Adresa jonë është:
Ambasciata della Repubblica d’Albania
Via Asmara 3 – 5
00199 Roma
Italia
Tërheqja e dokumenteve kryhet në çdo ditë pune, në orarin 09:00-15:00.
Kujdes: Pasaportat dhe kartat ID nuk i dorëzohen korrierit, nëse mungon dokumentacioni i kërkuar për tërheqjen.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.