Ministri i Shtetit për Diasporën, Pandeli Majko realizoi sot një takim me Konsullin e Nderit të Republikës së Shqipërisë në Ukrainë, Shahin Omarov.
Në këtë takim fokusi i bisedës ishin marrëdhëniet Shqipëri-Ukrainë, si dhe vëmendja ndaj komunitetit shqiptar në Ukrainë. Gjatë takimit u diskutuan disa pika kryesore si hapja e Qendrës së Kulturës Shqiptare në Universitetin e Izmailit brenda vitit 2021.
Gjithashtu palët folën edhe për organizimin e shkëmbimit midis nxënësve mes Shqipërisë dhe Ukrainës.
Ministri Majko u shpreh se do të mundësojnë dërgimin e të gjitha materialeve për hapjen e qendrës në Universitetin e Izmail.
Krijimi i lidhjeve midis kryetarëve të bashkive në Ukrainë dhe atyre në Shqipëri ishte një tjetër pikë e rëndësishme e diskutimeve, që do të vlejë si një ura lidhëse mes dy vendeve.
Gjithashtu brenda këtij viti do të jetë e mundur publikimi i pullës postare të përbashkët Shqipëri-Ukrainë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.