Një kompani britanike turizmi ka zgjedhur një mënyrë të veçantë në ditën ndërkombëtare të gruas, 8 Mars. Ka zgjedhur të promovojë tre gra në përpjekjen e tyre për të bërë sukses në fushën e turizmit në komunitetet e tyre në Londër.

Interpid Travel dhe Women in Travel po ndihmojnë tre gra që të ndryshojnë jetën e tyre duke nisur një karrierë emocionuese si guidë turistike në Mbretërinë e Bashkuar.

Ela nga Shqipëria, Sefanit nga Etiopia dhe Kaoutar nga Maroku u trajnuan për gjashtë muaj se si të drejtonin një guidë turistike në komunitetet e tyre të emigrantëve.

Ela shkoi nga Shqipëria në Britani me pak para, pak njohuri të gjuhës angleze dhe pa shumë njohje. Dhe sot, bashkë me dy vajzat e tjera po vijojnë karrierën si guida turistike në përpjekje për pavarësi financiare.

Turistët mund të zbulojnë ushqimin dhe kulturën shqiptare me Elën, të eksplorojnë traditat e Shqipërisë.

Zina Bencheikh, drejtoreshë menaxhimi e Interpid Travel thotë se ndajnë të njëjtin vizion me Women in Travel se nuk mund të ketë industri të qëndrueshme të udhëtimit pa fuqizimin e grave. “Unë jam krenare për të nisur këtë tur në ditën Ndërkombëtare të Grave dhe shpresoj që njerëzit të kënaqen duke përjetuar një anë të re të Londrës pas shumë muajsh bllokimi”, tha ajo.

Edhe themeluesja e Women in Travel, Alessandra Alonso thotë se është krenare për këto vajza që mbërritën në Mbretërinë e Bashkuar me pak para, pa ditur mirë anglisht dhe pa asnjë njohj. “Megjithatë përmes vendosmërisë së pastër dhe punës së madhe ato kanë qenë në gjendje të krijojnë një karrierë në këtë industri të madhe”, tha ajo.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.