Shqipëria ka një brez të artë sulmuesish, dhe jo vetëm. Me paraqitjet e kuqezinjve nga starti i sezoneve deri më tani, Armando Broja është kryegolashënuesi kuqezi.

Me nëntë gola të shënuar në kampionat, 19-vjeçari lë pas edhe një super sulmues të pjekur tanimë dhe me eksperiencë si Myrto Uzuni që ka gjetur rrugën e rrjetës tetë herë në Hungari.

Nëse do të konsiderohen edhe kompeticionet e tjera, beratasi kalon në avantazhi me dy gola në kualifikueset e Championsit dhe një gol në grupe ndaj Juves, ndërsa Broja shton vetëm një gol në gjysmëfinalen e Kupës së Holandës. Megjithatë, kryesore është që bomberat e Kombëtares janë të gjithë në formë, pa harruar Cikalleshin dhe Manajn.

Sulmuesi shqiptar nënshkroi kontratën e tij të parë profesionale me Chelsea në janar dhe ka qenë pjesë e moshave të bluve të Londrës që në moshën 8 vjeç. Performancat mbresëlënëse me akademinë e klubit e shtynë Frank Lampard ta ftonte në ekipin e parë, ku u stërvit dhe debutoi në Premier League (në “Stamford Bridge”) kundër Evertonit, në mars.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.