Tomor Kokona, producent dhe promovues artit dhe kulturës në të gjithë botën organizon kurse falas për të gjithë talentët shqiptarë kudo që ndodhen në botë.

Kokona fton të gjithë ata që kanë dëshirë të bëhen pjesë e kurseve të bashkohen nesër në orën 19:00 me orën britanike, ose në orën 20:00 me orën shqiptare.

“Përgatitu për të aplikuar për fonde rreth artit”, kjo do të jetë tema rreth së cilës do të zhvillohet kursi i parë që synon të të ndihmojë talentet shqiptarë kudo jetojmë.

“Duhet të veprojmë me ato njohuri që kemi. Eksperienca ime 30 vjecare ne koreografi dhe balet më ka mësuar se si ta menaxhojmë veten në mënyrë që të nxjerrim përfitime nga talenti ynë. Është shumë e rëndësishme që të gjendet rruga e duhur për të përfituar nga miliona euro që Evropa vendos në dispozicion të artistëve. Ka degë të ndryshme në BE që japin fonde për fusha të ndryshme të artit. Në kurse do t’i trajtojmë të gjitha mënyrat se si mund të aplikoni, si të krijoni një pofil tuajin si artist etj.”

Kursi prezantues është falas dhe mund të ndiqet nga të gjthë shqipfolësit në botë.

Për regjistrimet, duhet të shkruani në koment në rrjetin social Facebook të Tomorr Kokonës fjalën PO dhe ai vetë do ju dërgoj ftesën në Zoom.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.