Pas çdo artisti fshihet një eksperiencë e jetuar që shpesh publiku e injoron. Jemi mësuar të shohim anën e jashtme, atë që shfaq në skenë, performancën, pamjen dhe muzikën.
Por ndonjëherë pas fshihet tjetër gjë, si në rastin e një artisti të ri e të talentuar me origjinë shqiptare, Taulant Hoxha, i cili të premten prezantoi këngën e tij të parë “Il Tempo passa” (Koha kalon) në platformat digjitale.
Një këngë që i dedikohet pikërisht jetës, ku Taulanti kujton disa ngjarje që e kanë shënuar gjatë viteve, një lloj reflektimi mbi disa gabime të bëra në rininë e tij që ai mund të shmangte.
Falë një teksti të drejtëpërdrejtë me fjalë që përshtaten së bashku, Taulanti na ofron një këngë me një ritëm të fortë, pothuajse rock, ku shpreh këndvështrimin e tij për kalimin e kohës dhe që në mënyrë të pashmangshme lë pas keqardhje.
Zëri, ndonjëherë i ngjirur, tregon një gjendje shpirtërore mes zemërimit dhe keqardhjes kur në nxitimin për tu rritur ka rendur kaq shumë sa humbi, duke u larguar nga gjërat e njerëzit e rëndësishëm. Trishtimi për dashuritë dhe miqësitë e mara fund e për njerëz që ka qenë i lidhur dhe nuk janë më. Koha kalon, mbeten kujtime, ashtu si dhe dëshira për tu kthyer pas, si të ishte një fëmijë për të rinisur ëndërrimin.
“Vitet kalojnë si të ishin minuta”, thotë Taulanti dhe do të donte të kishte “më shumë kohë” për të gabuar, për të harruar ato kujtime që e bëjnë të ndihet keq.
Kënga na çon kështu brenda jetës së tij, duke na sjellë një njeri të vërtetë dhe autentik.
Muzika mbetet fija udhëzuese e një rrugëtimi pa dyshim të vështirë; mbërritja në Shqipëri nga Italia, me të gjithë familjen kur ishte në moshën 5 vjeç, mes mijëra vështirësish dhe perpiecish. Një tren që e çon tek xhaxhai i tij në Montepulciano, Toskanë, ku një i njohur kujdeset për të dhe familjen e tij, e ndihmon ekonomikisht Taulantin në hapat e tij të parë drejt arsimimit.
Muzika e ka ndihmuar shumë gjatë rritjes dhe për këtë arsye regjistrohet në shkollën e pianos. Me shkollën ai merr pjesë në një sërë koncertesh, përfshi dhe Teatro Poliziano di Montepulciano, dhe koncerte të tjera brenda dhe jashtë rajonit.
Një djalë plot jetë që tregon dhe aftësitë e tij si Dj dhe këndimin live, dhe në sektorin e organizimit të eventeve. Punon dhe ndhmon familjen e tij në biznesin e restorantit, por në kohë të lirë i dedikohet tërësisht kompozimit, ku përpipqet të vendosë në të të gjithë pasionin dhe atë çfarë ka jetuar, pë të sjellë me emocione të sinqerta vizionin e tij për jetën.
Publikimi i këngës së tij të parë është hapi i parë dhe i rëndësishëm në rritjen e tij, qoftë si njeri por dhe si artist dhe i ka të gjitha premisat për të arritur gjithçka. Me një zë kaq të fortë dhe një muzikë tërheqëse nuk ka se si të ndodhe ndryshe. / Marrë nga Expartibus.it- përkthyer dhe përshtatur nga Diaspora Shqiptare
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
