Më 5 mars 1905 lindi boksieri i famshëm, babai i boksit shqiptar, Rafail Dishnica-Gërnjoti. Fëmijërinë e kaloi në Fier dhe më pas u vendos në Dishnicë të Korçës. Në vitin 1924 emigroi në Greqi dhe më pas në Argjentinë, ku edhe nisi karrierën e tij në boks dhe më vonë u bë kampion i peshës së mesme në këtë vend dhe gjithë Amerikën Latine. Në vitin 1937 ai u kthye në Shqipëri pas fitoreve të shumta në të gjitha ringjet europiane. Pas Luftës së Dytë Botërore ai punoi si trajner i Federatës Shqiptare të Boksit dhe përgatiti shumë breza boksierësh.

Në të gjitha ndeshjet e të rinjve zhvilluar në vitet ’20-të në Argjentin, ai doli fitues. Ra shumë shpejt në sy të trajnerit të shquar argjentinas, Migrales, i cili do ta stërviste me shumë kujdes kampionin e ardhshëm, duke u ndeshur me boksierët më të mirë të atij vendi. Tri herë rradhazi i riu i talentuar do të fitojë titullin kampion i Argjentinës, për peshën e mesme. Sukseset erdhën njëra pas tjetrës. Tashmë boksier profesionist, ai do të ndeshej me figura të shquara të boksit botëror në Argjentinë, Brazil, Uruguai, Kili , Bolivi, Ekuador etj. Në ndeshjen e zhvilluar në vitin 1931-ë, në Rio de Zhaneiro fitoi titullin “Kampion i Amerikës Latine “.

Foto nga Kristaq Sotiri, rreth vitit 1937

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.