Shtëpia botuese “Toena” i është bashkuar nismës së Qendrës së Botimeve për Diaporën “Dhuro një libër” për shqiptarët që vuajnë dënimet në burgjet jashtë vendit.

Janë 4223 libra të dhuruara prej saj dhe Irena Toci thotë se iu bashkuan kësaj nisme duke besuar se edukimi është i rëndësishëm dhe mund të bëhet në çdo moment.

“Vërtetë kohë lufte për të gjithë botën, qeveritë e mira duken si e menaxhojnë kohën dhe paratë e buxhetit të shtetit. Unë ju falënderoj që na krijuat mundësinë që të  ndihmojmë me atë që ne besojmë si shtëpi botuese “Toena” e për këtë arsye jemi në fushën e librit prej 30 vitesh tashmë. Ne besojmë që edukimi është i rëndësishëm dhe mund të bëhet në çdo moment dhe mund të bëhet fare mirë përmes librave. Insistojmë jo vetëm për këta njerëz që kanë humbur lirinë e janë nëpër burgje e që mund të riedukohen duke lexuar, të kalojnë kohën e tyre sa më mirë dhe të mësojnë përmes këtyre librave për të cilët janë lodhur shumë aktorë për t’i sjellë këtu ku janë si format libri. Nga ana tjetër të kujdesemi që ata të mos jenë më atje brenda, qoftë dhe duke u frymëzuar nga heronjtë e këtyre librave që ne kemi bërë dhuratë sot për ta”, tha znj. Toci.

Lexo edhe- Nisma “Dhuro Libra”, nis procesi i shpërndarjes në Greqi dhe Itali

Në shenjë falënderimi shtëpisë botuese “Toena” iu dha edhe certifikata e mirënjohjes që përqafoi këtë nismë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.