Kosova mban sot zgjedhjet e parakohshme të përgjithshme, ku pritet të votonë mijëra mërgimtarë që kanë mbërritur me avionë dhe mijëra të tjerë përmes postës.

Mbi 50 fluturime janë realizuar të premte dhe të shtunë për në Kosovë nga mërgimtarët të cilët duan të hedhin votën e tyrë ne kuti.

Komisioni Qendror i Zgjedhjeve të Kosovës bëri të ditur këtë mëngjes se procesi ka nisur i qetë.

Të gjitha qendrat e votimit hapen në orën 07:00 dhe do të mbyllen në orën 19:00.

Sipas listës përfundimtare të votuesve, numri i qytetarëve me të drejtë vote është: 1 milion e 794 mijë e 862 votues, të cilët janë të shpërndarë në 888 qendra votimi me gjithsej 2 mijë e 382 vendvotime.

KQZ-ja ka përmbyllur procesin e akreditimit të vëzhguesve vendor dhe ndërkombëtar. Numri i përgjithshëm i vëzhguesve të akredituar është 29 mijë e 200 vëzhgues.

Sipas listës, KQZ-ja ka akredituar: 18 ambasada me 146 vëzhgues; 6 organizata ndërkombëtare dhe institucione me 37 vëzhgues; 1 institucion publik me 43 vëzhgues; 26 organizata jo-qeveritare vendore me 1 mijë e 713 vëzhgues; 23 subjekte politike 26 635 vëzhgues; dhe 63 media vendore dhe ndërkombëtare me 626 vëzhgues.

Për krijimin e qeverisë së re duhen 61 mandate. Ndërkohë temperaturat në Kosovë janë të ulëta, ndërsa termometri shënon -13 gradë celsius.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.