Artisti shqiptar Bernardo Brizani, në një intervistë tregon për jetën dhe karrierën e tij të suksesshme artistike. Bernardo është asistent i violonçelos në Akademinë e Muzikës në Universitetin e Lubjanës.

“Nëna ime është kroate, kurse im atë nga Prishtina. Në Lubjanë ka ardhur xhaxhai në vitet ’74-’75 për të studiuar tupanin ndërsa babai në 1980 për të studiuar mjekësinë”, tha ai.

Prirjet për muzikë mendon se i ka trashëguar nga gjyshi i tij që ka qenë dirigjent në Kosovë.

“Do të thoja se unë jam gjenerata e tretë, pasi gjyshi im Ukë Brizani ka qenë dirigjent dhe borizan në radio Prishtina. Shumë herë ka dirigjuar dhe në Eurovizion, ka punuar për Nexhmije Pagarushën dhe për të gjithë plejadën e atyre artistëve dhe mendoj se kjo prirja ime vjen prej tij. Gjyshi ka qenë shumë i njohur dhe pastaj u transferua në Ljubjanë”, rrëfen Bernardo.

Ai shpreson të japë koncerte në të gjithë Ballkanin Perëndimor. Ka mbajtur koncert në Zagreb në moshën 12-vjeçare e më pas në Beograd, dhe ka shumë dëshirë të vijojë me Kosovën, Maqedoninë e Veriut dhe Shqipërinë. Violinçelisti thotë se kur është fjala për kulturën dhe muzikën nuk ka rëndësi nga je, çka je dhe nga vjen.

Ai thotë se mban ende kontakte me vendlindjen e të atit. “Po gjyshi im ka bërë muzikë në Maqedoni, në Shkup, gjithashtu dhe në Prishtinë. Kemi shumë miq që kanë mbetur atje e kemi kontakte me ta”, përfundon ai.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.