Një hulumtim i Enciklopedisë Jugosllave dhe metodat e përdorura nga akademikë nacionalistë serb për margjinalizimin dhe mosnjohjen e identitetit kulturor të shqiptarëve të Kosovës dhe të ish-Jugosllavisë do të jetë kumtesa e profesorit Christian Voss.

Me profesorin Voss do të ketë një bashkëbisedim të organizuar nga Katedra e Albanologjise Hidai “Eddie” Bregu në bashkëpunim me Shoqatën Martin Camaj dhe Universitetin Humboldt në Berlin.

Dr. Voss është një nga hulumtuesit më në zë të Europës Juglindore dhe Ballkanit. Drejtor i Departamentit të Studimeve Slavo-Jugore në Universitetin Humboldt në Gjermani dhe themelues i qendrës “Border-Crossings”. Një njohës i shkëlqyer i gjuhës shqipe, ai ka kontribuar për promovimin e studimeve shqiptare në Gjermani dhe Europe.

Kumtesa organizohet më 13 Shkurt online.

Katedra e Albanologjisë Hidai “Eddie” Bregu është katedra e parë albanologjike në Shtetet Bashkuara të Amerikës. Katedra e parë e Albanlogjisë në Amerikë është hapur falë një donacioni nga filantropi shqiptaro-amerikan, Z. Hidai Eddie Bregu, ndërsa Drejtori i parë i kësaj Katedre albanologjike në Universitetin DePaul, është emëruar Profesori Gazmend Kapllani – duke e bërë kështu këtë universitet, të parin në historinë e universiteteve amerikane, që i lartëson studimet shqiptare në nivel katedre dhe Profesorin Kapllani si drejtorin e parë të saj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.