Ornela Ademi, shkencëtare dhe drejtuese e Komitetit në “European Medicine Agency” në Hollandë flet lidhur me zhvillimet e fundit në aprovimin e vaksinave kundër COVID. Ajo tregon edhe për efektivitetin e vaksinave të aprovuara deri tani nga “European Medicine Agency”.

Që nga momenti që kjo vaksinë është e çertifikuar nga EMA është e besueshme dhe efektive. Ka pasur diskutime të gjatë sidomos përsa i përket grupmoshave ku ka efekt më të lartë. Nga studimet klinike efekti më i lartë është tek personat deri në 55 vjeç, por mund të shtrihet deri tek personat në 65 vjeç.”

“Jemi në diskutime me  autoritetet ruse përsa i përket aprovimit, por nuk është bërë ende një aplikim formal, jemi ende në fazën e këshillimit shkencor, kjo për faktin se për tú aprovuar në EMA vaksina duhet të kaloj në disa faza të tjera, ndaj EMA është në komunikim me kompaninë që prodhon vaksinën ruse”.

Lidhur me rishikimin e vaksinave për të qenë efektive edhe ndaj mutacioneve të përhapura, shkencëtarja Ademi shprehet për “Euronew Albania”: “Po është e vërtetë që kompanitë po bëjnë studime përsa i përket 3 mutacioneve më të përhapura dhe normal pasi këto studime të jenë gati ato do të aplikojnë sërish tek EMA dhe duhet sërish një aprovimin, por procedura do të jetë me thjeshtëzuar dhe do të zgjas më pak në kohë.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.