Shqiptari nga Tirana, Marselino Sherifi ka mahnitur jurinë e “Thë Voice of Greece” me zërin e tij. Marselino Sherifi është prezantuar në konkursin e talenteve si këngëtarë dhe instrumentist dhe ja ka dalë të jetë pjesë e gjysmë finales, e cila do të jetë të premten më 5 shkurt. Në prezantimin e parë mahniti jurinë me zërin dhe performancën në fizarmonikë, duke tërhequr vëmendjen e emrave të njohur si Elena Paparizou dhe Sakis Rouvas që ndoqën me vëmendje interpretimin në fizarmonikë dhe zërin melodioz. Marselino Sherifi përzgjodhi trajneren Eleni Zouganeli, e cila nuk e fshehu entuziamin e saj për këngëtarin shqiptar..

Marselino Sherifi është 26-vjeç dhe prej 22 vitesh jeton në Kretë.

Mund të jetë shumë herët, por të shumtë janë ata që mbështesin talentin shqiptar në “The Voice of Greece”.

“Faleminderit shumë të gjithë për mbështetjen tuaj. Mesazhet e shumta që më keni çuar më kanë prekur vërtet. Falë jush arrita të jem në gjysmë finale. Tani të shohim çdo të ndodh të premten”, shkruan Marselino në rrjetet sociale.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.