Ministria e Brendshme njofton të gjithë qytetarët që u ka përfunduar afati i vlefshmërisë së kartave të identitetit apo pasaportës, të kryejnë sa më parë procedurat për rinovimin e tyre.

“Gjithashtu njoftojmë qytetarët që kanë aplikuar përgjatë vitit 2019 dhe 2020 dhe nuk kanë mundur të tërheqin kartat ID, të paraqiten pranë zyrave të aplikimit, pasi afati për nxjerrjen jashtë përdorimit të tyre është shtyrë deri në fund të prillit 2021”, thuhet në njoftimin e Ministrisë së Brendshme.

Lexo edhe: Dokumentat e skaduara / Doracaj: Do të rinovohen të gjitha brenda muajit prill

Të gjitha zyrat e aplikimit për karta ID dhe pasaporta kanë qëndruar të hapura edhe sot, e shtunë, 30 janar 2021.

Riaplikimi për ID kartë mund të bëhet në çdo zyrë, pavarësisht vendbanimit.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.