Drejtori i Përgjithshëm i Gjendjes Civile, Bledar Doracaj nga Korça i bëri thirrje qytetarëve për rinovimin e dokumenteve të identitetit. Sipas Doracaj, karta ID apo letërnjoftimi elektronik “nuk është thjesht vetëm dokumenti me të cilin qytetari me 25 prill mund të shprehë bindjet e tij politike, por çelësi për të përfituar të gjitha shërbimet në institucionet publike dhe private”.
Duke u ndalur edhe te problematikat e shtetasve shqiptarë të cilët jetojnë jashtë vendit me afatin e skadimit të dokumenteve Doracaj tha se tashmë qeveria shqiptare ka filluar ndërtimin e një database, nëpërmjet vetëdeklarimit të të gjithë shtetasve shqiptarë që jetojnë jashtë territorit të Shqipërisë.
“Nuk e dimë sa nga ata që ju ka skaduar dokumenti biometrik jetojnë përtej territorit të Republikës së Shqipërisë. Ajo çfarë unë mund t’ju them, që është një shqetësimin që ne e kemi marrë, edhe sot në mëngjes e mora këtu nga qytetarët e Bashkisë së Korçës është një numër i lartë i konsiderueshëm qytetarësh të cilët kanë aplikuar përgjatë gjashtë mujorit të dytë të vitit 2019 dhe vitit 2020 dhe në pamundësi të pandemisë për të lëvizur nuk kanë tërhequr dokumentet biometrikë pranë zyrave të Gjendjes Civile, apo zyrave të aplikimit. Ne i qetësojmë këta shtetas dhe i inkurajojmë njëkohësisht që brenda muajit prill, brenda fundit të prillit ata mund të paraqiten pranë sporteleve për të tërhequr dokumentet për të cilat kanë aplikuar kohë më parë” tha ai.
